Osmani takon Erdoganin, flasin për mundësitë e thellimit të bashkëpunimit mes Kosovës dhe Turqisë

21:03 | 18 Qershor 2021
Gita

Presidentja e Republikës së Kosovës, Vjosa Osmani ka takuar homologun e saj turk, presidentin Recep Tayyip Erdogan.

Gjatë këtij takimi, Osmani dhe Erdogan kanë biseduar për raportet e shkëlqyera mes Kosovës dhe Turqisë, shkruan arbresh.info.

Osmani, përmes një postimi në Facebook ka bërë të ditur se gjatë këtij takimi është biseduar edhe për mundësitë e thellimit të bashkëpunimit në shumë fusha.

“Në një takim shumë përmbajtësor me Presidentin Erdogan, biseduam për raportet e shkëlqyeshme ndërmjet Republikës së Kosovës dhe Republikës së Turqisë dhe për mundësitë e thellimit të bashkëpunimit në shumë fusha. E falenderova për përkrahjen e jashtëzakonshme që Turqia i ka dhënë Kosovës si dhe për mikpritjen dhe organizimin në SEECP dhe Antalya Diplomatik”, shkruan Osmani./arbresh.info/